Мирзиёев: одамларни рози қилишни бугунги сиёсатимизнинг бош мақсади, деб биламиз

Президент Узбекистана Шавкат Мирзиёев
Президент Узбекистана Шавкат Мирзиёев - Sputnik Ўзбекистон
Oбуна бўлиш
"Мен сизларнинг кўпчилигингизни яқиндан танийман. Ҳар бирингизни ўз меҳнати, жонкуярлиги ва ташаббускорлиги билан барчага ўрнак бўлаётган ҳурматли инсонлар сифатида қадрлайман", - деб таъкидлади президент.

ТОШКЕНТ, 31 авг — Sputnik. “Ўзбекистон” халқаро анжуманлар саройида 31 август куни давлат  мукофотларини топшириш маросими бўлди, деб хабар қилди президент матбуот хизмати.

Шавкат Мирзиёев вручил орден Эл-юрт ҳурмати  USM Holding Алишеру Усманову - Sputnik Ўзбекистон
Мирзиёев хорижлик ишбилармонлар ва давлат арбобларига давлат мукофотларини топширди

Ўзбекистон Республикаси президенти Шавкат Мирзиёевнинг фармонларига мувофиқ, Мустақилликнинг 27 йиллиги арафасида Ўзбекистонни ҳар томонлама ривожлантиришга катта ҳисса қўшган, ўз соҳаларида юқори натижаларга эришган бир гуруҳ фуқароларни фахрий унвонлар, орден ва медаллар билан тақдирланган эди.

Шавкат Мирзиёев йиғилганларни Мустақиллик байрами, давлат мукофотларига сазовор бўлгани билан табриклади.

“Мамлакатимиз тараққиётининг янги даврига, янги босқичига қадам қўйдик. Келажагимизни халқимиз томонидан қабул қилинган Ҳаракатлар стратегияси асосида ўз қўлимиз, ўз кучимиз билан барпо этмоқдамиз.  Одамларни рози қилишни бугунги сиёсатимизнинг бош мақсади, деб биламиз. “Ўсиш”, “ривожланиш” деганда фақат рақамларга, миқдор кўрсаткичларига эмас, аввало улар аҳолининг кундалик ҳаётида, уйи ва дастурхонида қандай намоён бўлаётганига устувор аҳамият қаратаяпмиз,” - деди Президент.

Бугун барча-барча жабҳаларда ўзгаришлар рўй бермоқда. Ўзбекистоннинг иқтисодий қудратини юксалтириш, ҳудудларни комплекс ривожлантириш, қишлоқ ва маҳалларни обод қилиш, халқнинг турмуш даражасини ошириш бўйича кенг кўламли ислоҳотлар амалга оширилмоқда. 

© Пресс-служба президента УзбекистанаШавкат Мирзиёев вручил государственные награды в предверии Дня Независимости
Мирзиёев: одамларни рози қилишни бугунги сиёсатимизнинг бош мақсади, деб биламиз - Sputnik Ўзбекистон
Шавкат Мирзиёев вручил государственные награды в предверии Дня Независимости

Бу ишларга муносиб ҳисса қўшаётган, ўзининг фидокорона меҳнати, Ватанга садоқати билан эл-юртга намуна бўлаётган инсонлар хизматини муносиб қадрланмоқда.

Турли саналар ва касб байрамлари муносабати билан ўнлаб фидойи инсонлар давлатнинг юксак мукофотлари билан тақдирланмоқда. Жорий йилнинг ўтган даврида турли саналар муносабати билан 320 нафар фуқаро давлат томонидан фахрий унвонлар, орден ва медаллар билан тақдирланди. Байрам арафасида уларнинг сафига яна 321 киши қўшилди. 

Президент бир гуруҳ ўзбекистонликларга давлат мукофотларини тантанали равишда топширди.

“Мен сизларнинг кўпчилигингизни яқиндан танийман. Ҳар бирингизни ўз меҳнати, жонкуярлиги ва ташаббускорлиги билан барчага ўрнак бўлаётган ҳурматли инсонлар сифатида қадрлайман. Барчангизга тилагим битта: сизлар мана шундай ютуқ ва зафарларни қўлга киритишдан ҳеч қачон чарчаманг. Биз эса сизларга давлатимизнинг мана шундай юксак мукофотларини топширишдан чарчамайлик”, - деди Шавкат Мирзиёев.

Янгиликлар лентаси
0