ТОШКЕНТ, 16 авг – Sputnik. “Узбектелеком” АЖ ва Қирғизистоннинг “ЭлКат” МЖЧ тармоқлари орасида ўзбек-қирғиз чегараси орқали ўтган алоқа тармоғи уланди, деб хабар қилмоқда компания матбуот хизмати.
“Телекоммуникацион уланма 2018 йилнинг 16 августидан бошлаб тижорат фойдаланувига топширилди”, - дейилган компания расмий хабарида.
Хабарда айтилишига кўра, янги чегаралараро уланма Интернет тармоғига чиқиш учун муқобил йўналиш очади. Янги алоқа йўналиши Қирғизистон ҳудуди орқали ўтган бўлиб, у “Ўзбектелеком” АЖ имкониятларини кенгайтиради. Шунингдек, янги уланма “Ўзбектелеком”га Афғонистон ва Туркманистон йўналишида қўшимча транзит алоқа каналларини очади.
