ТОШКЕНТ, 11 авг – Sputnik. Профессионал футбол лигаси зиммасидаги қарздорлик масаласидан вақтида қутула олмаётган Суперлига клубларини огоҳлантирди.
ПФЛ сайтида хабар қилинишича, айни вақтда “Сўғдиёна”, “Қўқон-1912”, “Бунёдкор”, “Навбаҳор”, “Пахтакор” ва “Бухоро” каби клубларда қарздорлик мавжуд.
“Мазкур ҳолат 14 август — сешанба куни соат 15:00га қадар бартараф этилмаса, жамоалардан 3 очко олиб ташланади. 22-турдан кейин эса уларни Суперлига ўйинларидан олиш ёки 6 очкодан мосуво қилиш масаласи кўриб чиқилиши мумкин”, - дейилади хабарда.
Бунгача ПФЛ Про-Лиганинг икки клуби — “Ёзёвон” ҳамда “Норин” жамоаларига қарздорликни бартараф этмагани учун техник мағлубият ёзган эди.
