ТОШКЕНТ, 8 авг — Sputnik. “Тошкент-аэро” ИБК бошлиғи Равшан Тожиев аэропортларда хизмат қилаётган ходимлар учун мўлжалланган янги кийим бошни намойиш қилди, деб хабар қилди NUZ.UZ нашри.
Янги форма ранги, дизайни ва погон йўқлиги билан фарқ қилади. Ҳарбий унвонлар металл пластиналарга муҳрланади ва кўкракка тақилади.
Формани алмаштириш сабаби – погонли жиддий кийим бош йўловчиларга руҳий жиҳатдан салбий таъсир кўрсатиб, улар билан самимий мулоқот қилишга тўсқинлик қилади.
Тожиевнинг фикрига кўра, янги форма ходимларга йўловчилар ва пойтахт меҳмонларини янада дўстона кутиб олиб ва жўнатишга ёрдам беради.
