ТОШКЕНТ, 6 авг - Sputnik. Мариника Бабаназарованинг Савицкий музейи раҳбари лавозимига қайта тикланиши масаласи музейда бўлиб ўтаётган хатлов якунидан сўнг ўз ечимини топиши мумкин, деб хабар қилди Спутник Ўзбекистон мухбири Маданият вазирлиги матбуот-хизматига таянган ҳолда.
Маълумотга кўра, Ўзбекистон Маданият вазири Бахтиёр Сайфуллаев қабулида бўлган бир-неча фуқаро Игорь Савицкий номидаги қорақалпоқ давлат санъат музейининг собиқ раҳбарини қайта лавозимга тайинлаш таклифи билан келган.
Вазир улар билан суҳбатда бўлиб, ҳозирги кунда барча музейларда инвентаризация ишлари (экспонатларни қайта хатловдан ўтказиш) амалга оширилаётганини маълум қилган. Хатлов якунидан сўнг, бу масала бир ечимини топиш мумкинлиги ва масалага ўрнатилган тартибда ёндашиш лозимлигини айтиб ўтган.
Эслатиб ўтамиз, Мариника Бабаназарова 2015 йилнинг июль ойида қарийб 32 йиллик фаолиятидан сўнг Савицкий музейи раҳбари лавозимидан бўшатилган.
