ТОШКЕНТ, 12 июл - Sputnik. АҚШ президенти Дональд Трамп Россия етакчиси Путинни душман эмас рақиб сифатида кўришини айтди, деб ёзади РИА Новости.
"Гап унинг дўст ёки душманлиги ҳақида эмас, у рақиб. У Россияни, мен эса АҚШни ҳимоя қиламан", — деди Трамп журналистларга.
Аввалроқ Владимир Путин ва Дональд Трамп учрашуви 16 июл куни Хелсинки шаҳрида ўтказилиши ҳақида хабар қилинганди.
Кремлнинг маълум қилишича, президентлар икки томонлама муносабатларнинг истиқболлари ва халқаро кун тартибидаги долзарб масалаларни муҳокама қилишади. Бу Путин ва Трамп ўртасида ҳеч қандай саммитга боғлиқ бўлмаган биринчи учрашув бўлади.
