ТОШКЕНТ, 9 июл — Sputnik. Қозоғистон чегараси мамлакатдан чиқмоқчи бўлган ҳар ўнинчи фуқаро учун ёпилиши мумкин. Бунинг сабаби улкан миқдордаги аҳолининг солиқлар бўйича қарздорлигида, деб хабар қилади, Sputnik Қозоғистон.
Остона давлат даромадлари департаменти маълумотларига кўра, фақатгина пойтахтнинг ўзида 70 мингдан зиёд фуқаролар солиқ ва жарималарни тўлашмаган.
Аниқроқ тасаввурга эга бўлишингиз учун — мамлакат аҳолисининг 10 %и — бу Олма-Ота сингари йирик шаҳар аҳолиси сонига (1,8миллион кишига) тенг.
Остона давлат даромадлари департаменти биргина Сариаркин туманининг ўзида солиқ тўламаган минглаб фуқароларга жиноий иш қўзғатилгани ва бу чет элга чиқишда тўсиқ бўлаётганлигини маълум қилмоқда.
Шу боис, департамент олдиндан давлат олдидаги қарздорликни текшириш ва мамлакат Солиқ кодексига риоя қилишни тавсия қилиб келмоқда.
Эслатиб ўтамиз, 1 июлдан бошлаб Қозоғистонда Солиқ кодексига киритилган тузатишлар қонуний кучга кирган. Бу солиқ бўйича қарздорлар ҳаётини сезиларли мураккаблаштирган. Хусусан, айрим турдаги банк операцияларини таклиф қилувчи банклар ва ташкилотлар эндиликда солиқ тўловчи-қарздорларга ҳисоб рақамини очишда рад жавобини бериши белгиланган.
