ТОШКЕНТ, 27 июн — Sputnik. "Ўзавтосаноат" компанияси бошқаруви раиси Умиджон Салимов эгаллаб турган лавозимидан озод этилди, деб хабар қилди Sputnik мухбири "Ўзбекистон 24" телеканалининг "Ахборот 24" дастурига асосан.
Президент Шавкат Мирзиёев куни кеча автомобиль саноатида жорий йил учун белгиланган ишлаб чиқариш ва экспорт кўрсаткичларини таъминлаш, тармоқнинг ривожланиш истиқболларини белгилаш масалаларига бағишланган йиғилиш ўтказди.
Унда автомобиль саноати мамлакат иқтисодиётида муҳим ўрин тутиши, лекин кейинги пайтларда ишлаб чиқариш ва экспорт ҳажми камайгани қайд этилди. Тармоқнинг барча даражадаги бошқарувида коррупция, товламачилик, таниш-билишчилик каби иллатлар томир отиб кетгани танқид қилинди.
"Ўзавтосаноат"га аввал Бош прокуратура тизимида фаолият кўрсатган Шавкат Умурзоқов раҳбар этиб тайинланди.
