ТОШКЕНТ, 20 июн — Sputnik. WhatsApp мессенжери фойдаланувчилари "Хитойда чўчқа ва қўйни чатиштиришгани" туфайли, мусулмонларни гўшт харид қилишда эҳтиёткор бўлишга чақириб, хабарлар тарқата бошладилар.
Хабарларга ушбу жонивор акс эттирилган видео илова қилинмоқда. Бундай хабарлар Марказий Осиё давлатларидаги фойдаланувчиларга ҳам юборилмоқда.
Аммо ҳақиқатда ролик муаллифи венгер мангалицасини суратга олган бўлиб, у 1833 йилда хонаки чўчқа ва ёввойи тўнғизни чатиштириш йўли орқали олинган. Интернетдаги маълумотларга кўра, изғирин қиш фаслида жониворнинг қалин юнги уни совуқдан ҳимоя қилади, жазирамада эса юнглар тўкилиб кетар экан.
