ТОШКЕНТ, 11 июн — Sputnik. Ўзбекистонда долларнинг расмий курси ўтган ҳафтага нисбатан 34,7 сўмга камайиб 7909,37 сўмни ташкил қилди.
Евро курси эса 43,37 сўмга камайиб 9306,16 сўмни ташкил қилди. Россия рубли курси эса бироз ошиб — 127,73 сўмни ташкил қилди.
Эслатиб ўтамиз, 2018 йилнинг 12 апрелида доллар курси 8094,99 сўм этиб белгиланган эди. Икки ой давомида доллар курси 185,62 сўмга тушди.
Ўзбекистон Марказий банки ушбу валюта курсларида фуқаролардан валюта сотиб олиш ёки сотиш мажбуриятини олмайди. Валюта маблағларини тижорат банклари орқали сотиб олиш ёки сотиш мумкин.
