ТОШКЕНТ, 8 июн – Sputnik. Қирғизистон Ўзбекистонга электр энергиясини экспорт қилишни бошлаб юборди, деб хабар берди Қирғизистоннинг “Электр станциялари” ОАЖ матбуот хизмати.
Яхши қўшничилик муносабатлари доирасида ва Қирғизистон сув-энергетика ресурсларидан оқилона фойдаланиш мақсадида ёз мавсумида электр энергияси етказиб беришни давом эттириш ҳақидаги келишувга эришилди.
"Электр станциялари” ОАЖ ва “Ўзбекэнерго” АЖ ўртасидаги шартномага кўра, Ўзбекистонга электр энергиясини узатиш 8 июндан бошланди ва 2018 йилнинг августигача давом этади. Бир киловатт-соатига 2 АҚШ центидан, жами бўлиб 500 млн киловатт-соат электр энергияси экспорт қилинади", - дейилади хабарда.
Тўқтағул сув омборининг 2018 йилга режалаштирилаётган сув ҳажми электр энергиясини экспорт қилиш имконини беради, энергия етказиб бериш ҳажми томонларнинг техник имкониятларидан келиб чиқиб мувофиқлаштирилади.
