ТОШКЕНТ, 6 июн – Sputnik. Қуръон мусобақаси ғолиблари Умрага жўнаб кетди, деб хабар қилмоқда Ўзбекистон Мусулмонлар идораси матбуот хизмати.
“Бугун, 6 июнь куни, муқаддас Рамазон ойининг 21-кунида эрта тонгдан Тошкент халқаро аэропортида Умра зиёратига отланган бир гуруҳ ватандошларимизни кузатиш маросими ўтказилди”, - дейилган хабарда.
Эслатиб ўтамиз, ЎМИ бироз олдин Қуръон мусобақасининг республика босқичи ғолиблари Умра зиёратига ота-оналари ва ҳамроҳлари билан биргаликда бориш имкониятини қўлга киритганлари ҳақида маълум қилган эди.
