ТОШКЕНТ, 20 май – Sputnik. Тошкент шаҳар ҳокимлиги хабарига кўра, шаҳар марказида жойлашган “Жасорат” монументи ва унинг атрофи бутунлай янги қиёфага эга бўлади, деб хабар қилмоқда Sputnik мухбири Тошкент шаҳар ҳокимлиги хабарига асосан.
“Ушбу майдон шаҳарсозликнинг замонавий талаблари асосида тубдан янгиланади. Бу ерда аҳолининг кўнгилдагидек хордиқ чиқариши учун кенг кўламли бунёдкорлик, ободонлаштириш ва кўкаламзорлаштириш тадбирлари амалга оширилади”, — дейилган хокимият хабарида.
Хабарда айтилишига кўра, таъмирлаш ишлари муносабати билан монумент олдидан ўтган пиёдалар йўлаги вақтинча ёпилиши ва ушбу ноқулайлик учун пойтахт ҳокимлиги аҳолидан узр сўраши ҳам айтиб ўтилган.
Жасорат майдони ва унинг атрофи таъмирланганидан сўнг қандай қиёфага киришини қуйидаги баннерларда кўриш мумкин.
Қоқ ўртасидан дарз кетган ушбу мармартош зилзилани, ер қобиғининг ёрилишини акс эттиради. Ёриқ эса ундан бир неча метр нарида турган ҳаёкалнинг пойига қадар давом этган. Ҳайкалда тасвирланган матонатли эркак ушбу табиий офатни гўёки ўз кўкраги билан қайтариб тургандек, аёл киши эса ёш гўдакни бағрига босган ҳолда уни асраб қолмоқда.
Ҳайкалнинг орқа томонида эса еттита йўлак тасвирланган бўлиб, ушбу йўлаклар Тошкент шаҳрига зилзиладан кейин собиқ Иттифоқнинг қардош республикалари томонидан кўрсатилган ёрдамни акс эттиради.
