Шавкат Мирзиёев АҚШ давлат котиби билан учрашди

© Пресс-служба президента УзбекистанаШавкат Мирзиёев встретился с Майклом Помпео
Шавкат Мирзиёев встретился с Майклом Помпео - Sputnik Ўзбекистон
Oбуна бўлиш
Учрашувда икки мамлакат ўртасидаги муносабатларни янада мустаҳкамлаш, ташқи сиёсат маҳкамалари алоқаларини фаоллаштириш масалалари муҳокама қилинди.

ТОШКЕНТ, 17 май — Sputnik. Ўзбекистон президенти Шавкат Мирзиёев 17 май куни Америка Қўшма Штатлари Давлат департаментига ташриф буюрди. Бу ҳақда президент матбуот хизмати хабар бермоқда.

"АҚШ давлат котиби Майкл Помпео билан учрашувда мамлакатларимиз ўртасидаги муносабатларни янада мустаҳкамлаш, ташқи сиёсат маҳкамалари алоқаларини фаоллаштириш масалалари муҳокама қилинди", — дейилади хабарда.

Президент США Дональд Трамп подписывает прокламацию о выходе из ядерной сделки с Ираном - Sputnik Ўзбекистон
Трамп Ўзбекистон мезбонлик қилаётган кеча иштирокчиларига ўз саломини йўллади

Эслатиб ўтамиз, Ўзбекистон президенти Шавкат Мирзиёев АҚШ президенти Дональд Трампнинг таклифига биноан Америка Қўшма Штатларида расмий ташриф билан бўлиб турибди.

Икки давлат раҳбарларининг Оқ уйда бўлиб ўтган учрашувида АҚШ президенти Ўзбекистоннинг мустақиллиги, ҳудудий яхлитлиги ва суверенитетига қатъий содиқлигини таъкидлади.

Шунингдек, у Шавкат Мирзиёев раҳбарлигида Ўзбекистонда муҳим сиёсий, иқтисодий ва ижтимоий ислоҳотларни амалга оширишда эришилаётган улкан ютуқларни эътироф этди.

Президентлар кенг жабҳадаги ўзаро устувор йўналишлардан келиб чиққан ҳолда, Ўзбекистон билан Америка Қўшма Штатлари ўртасида 2002 йилда имзоланган стратегик шериклик тўғрисидаги декларацияга янгича суръат бағишлаш мақсадида икки томонлама муносабатларни мустаҳкамлашга келишиб олди.

Янгиликлар лентаси
0