ТОШКЕНТ, 7 май — Sputnik. Самарқанд вилояти ҳокими Туробжон Жўраев Иккинчи жаҳон уруши иштирокчиларининг хонадонларига бориб, президент совғаларини топширди, деб хабар қилди Самарқанд ҳокимлиги матбуот-хизмати.
Вилоят ҳокимлиги, жамоатчилик вакиллари, ёшлар онахоннинг хонадонига ташриф буюришиб, у кишига Ўзбекистон раҳбарининг байрам совғаларини топширган.
Шаҳарнинг "Марҳабо" маҳалласида умргузаронлик қилаётган 92 ёшли Евгений Солдатов ҳаётининг ширин дамлари уруш йилларига тўғри келди. Қонли жанггоҳларда фашистларга қарши курашди. Бугун ўша дамларни у аччиқ хотиралар билан ёдга олади.
Вилоят ҳокими Жўраев Евгений Солдатовга ҳам Мирзиёев совғаларини топшириб, байрам табригини ўқиб берган.
"Инсон қадри улуғ, хотира муқаддас. Юрт тинчлиги, осойишталиги йўлида кўрсатган жасорати эса ҳар қанча эъзозга муносиб. Иккинчи жаҳон урушининг суронли жанггоҳларидан омон қайтиб, юртимиз тараққиётига фидокорона меҳнат қилиб, айни чоғда давлатимиз эътиборида умргузаронлик қилаётган ота-боболаримизнинг кўрсатган жасорати ана шундай таърифга муносиб", — дейилади хабарда.
