Энди бу вокзалга маҳаллий йўналишдаги барча поездлар ва шаҳарлараро электричкалар ўтказилади. Жумладан, Жанубий вокзалдан Урганч, Бухоро, Қўнғирот, Олот, Шовот, Термиз, Сариосиё, Сирдарё ва Гулистон йўналишларидаги поездлар қатнови йўлга қўйилади.
Янгиланган Жанубий вокзал ҳар куни 11 минг йўловчини қабул қилиши мумкин. Шунингдек, вокзал 17 тагача поезд таркибларини қабул қилиш ва жўнатиш имкониятига эга.
Келгусида замонавий, шинам ва қулай бўлган янги Жанубий вокзал Ўзбекистон транспорт тизимининг муҳим бўғинига айланади.
