Россия президенти сайлови: дастлабки натижалар

ТОШКЕНТ, 18 мар — Sputnik. Бугун бўлиб ўтган президент сайловнинг дастлабки натижаларига кўра, Владимир Путин 71,9 % овоз билан етакчилик қилмоқда, Марказий сайлов қўмитаси хабарига асосан.

Россияда овозларни ҳисоблашда автоматик тизимдан фойдаланилгани сабабли, овоз бериш жараёни якунланган сонияда сайловинг дастлабки натижаларини билиш мумкин. Айни дамда бюллетенларнинг 21,33 % ҳисоблаб бўлинган. Овозларни ҳисоблаш туни билан давом этади.

Айни дамда маълум бўлган дастлабки натижалар қуйидагича:

1. Владимир Путин   - 71,9 %
2. Павел Грудинин – 15 %
3. Владимир Жириновский – 6 %
4. Ксения Собчак - 2,5%
5. Григорий Явлинский  – 1,6%,
6. Борис Титов – 1,1%
7. Сергей Бабурин – 1,0%,
8. Максим Сурайкин – 0,8%

Россия МСҚ раҳбари Элла Памфилова айтишига қараганда, айни дамда номзодларнинг ҳеч биридан арзнома олинмаган, мамлакат ичида ва ташқарисида фуқаролар овоз беришда фаол иштирок этган. Яроқсиз деб топилган бюллетенлар 1,2 %ни ташкил қилган.

Сайловнинг якуний натижалари душанба куни эълон қилинади.