Мирзиёев Германиядаги етакчи компаниялардан бирининг раҳбари билан учрашди

© Пресс-служба президента УзбекистанаПрезидент Республики Узбекистан встретился с председателем правления ведущей немецкой компании "Мангольд Консалтинг"
Президент Республики Узбекистан встретился с председателем правления ведущей немецкой компании Мангольд Консалтинг - Sputnik Ўзбекистон
Oбуна бўлиш
Президент Ўзбекистонда Германиянинг етакчи компаниялари билан ўзаро манфаатли ва узоқ муддатли шерикликни ривожлантиришга устувор аҳамият қаратилаётганини алоҳида таъкидлади

ТОШКЕНТ, 2 мар — Sputnik. Ўзбекистон президенти Шавкат Мирзиёев 2 март куни Тошкент халқаро аэропортида Германиянинг "Мангольд Консалтинг" компанияси бошқаруви раиси Клаус Мангольд билан учрашди. Бу ҳақда президент матбуот хизмати хабар берди.

"Давлатимиз раҳбари меҳмонни қутлар экан, Ўзбекистонда Германиянинг етакчи компаниялари билан ўзаро манфаатли ва узоқ муддатли шерикликни ривожлантиришга устувор аҳамият қаратилаётганини алоҳида таъкидлади", — дейилади хабарда.

Ўзбекистон ва Германия банклари 100 миллион евролик шартнома имзолашди

Учрашувда Германия компаниялари билан Ўзбекистонда юқори технологияли ишлаб чиқариш корхоналарини очиш, транспорт-логистика ва туризм инфратузилмасини модернизация қилиш, савдо-сотиқ ва қўшма лойиҳаларни молиялаштириш бўйича амалий ҳамкорликни кенгайтириш истиқболлари муҳокама қилинди.

"Мангольд Консалтинг" компаниясига раислик қилиш билан бирга туризм соҳасида энг йирик компаниялардан бири бўлган "ТУИ груп" кузатув кенгашининг раҳбари саналадиган Клаус Мангольд Ўзбекистон билан кенг кўламли ва ўзаро манфаатли бизнес-шерикликдан ғоят манфаатдор эканини қайд этди.

Бугунги кунда Ўзбекистонда Германиянинг "МАН", "Клаас", "Лемкен", "Кнауф" каби ўз соҳасида етакчи бўлган концерн ва корхоналари муваффақиятли фаолият юритмоқда. "Сименс", "Бош", "Висманн", "Хумана" ва кўплаб бошқа компаниялар билан биргаликда истиқболли инвестиция лойиҳалари ишлаб чиқилмоқда. Германиядан Ўзбекистон иқтисодиётига жалб этилган инвестициялар ҳажми 1 миллиард долларни ташкил этади.

Янгиликлар лентаси
0