ТОШКЕНТ, 16 фев — Sputnik. Россия Мудофаа вазирлиги Ҳарбий университети ўқитувчиси, истеъфодаги полковник Олег Кулаков собиқ Иттифоқ томонидан Афғонистонда ўтказилган ҳарбий операцияни ва ҳозирги кунда у ерда бўлиб турган Америка ҳарбийлари ҳолатини солиштирди.
Кулаковга кўра, СССРни Афғонистонда мағлубиятга учраган, деб ҳисоблаб бўлмайди.
"Барча ҳарбий топшириқлар бажарилган. Аммо бу сиёсий барқарорликка олиб келмади, ва бу бошқа масала", — деди Олег Кулаков Спутник радиоси эфирида.
Мутахассиснинг сўзларига кўра, америкаликлар ҳам шундай муаммога дуч келишган.
"Улар бизнинг хатоларимизни такрорлашмоқда: қанчалик босимни кучайтиришаётган бўлса, қаршилик шу даражада кучаймоқда. Улар ҳеч нарсага эришолмайди. Дастлаб қарама-қаршиликлар пайдо бўлади, айнан шулар кейинчалик сиёсий таъсирга эришишга йўл қўймайди", — дея изоҳ берди ҳарбий эксперт.
Кулаков бошқа мамлакатнинг ҳарбий контингенти маҳаллий ҳокимият учун ҳамиша сиёсий қўзғатувчи бўлиб қолишини таъкидлади.
