ТОШКЕНТ, 15 фев — Sputnik. "Ўзстандарт" агентлиги истеъмол бозорларида юзга суртиладиган хавфли гель аниқланганлиги ҳақида хабар қилди.
Хабарда айтилишича, бу маҳсулотнинг савдо белгиси NEWA, юз учун гель, номи Lift gel activateur, келиб чиқиш мамлакати Исроил деб ёзилган.
Гель таркибида N-нитрозодиэталамин (NDELA) моддаси аниқланган. Ушбу модда канцероген ҳисобланади ва аъзоларда хатарли ўсмаларни пайдо бўлишига олиб келиши мумкин.
"Ўзстандарт" агентлиги давлат инспекторлари томонидан истеъмол бозорига оид маълумотлар ўрганиб чиқилган.
Агентлик аниқланган сифатсиз маҳсулот инсон саломатлигига зарар етказиш мумкинлиги ҳақида огоҳлантирган.
