ТОШКЕНТ, 6 фев — Sputnik. Ўзбекистонлик боксчилар Бишкек шаҳрида Дуйшенкул Шопокулов хотираси учун ўтказилган турнирда саккизта медалга сазовор бўлишди. Бу ҳақда Sputnik Тожикистон хабар берди.
Жами 13та медаллар шодаси учун Россия, Ўзбекистон, Тожикистон, Қозоғистон ва Қирғизистондан 146 нафар боксчи кураш олиб борди.
Мусобақа якунига кўра, Ўзбекистон терма жамоаси учта олтин, иккита кумуш ва учта бронза медалини қўлга киритиб, иккинчи ўринни эгаллади.
