ТОШКЕНТ, 6 фев — Sputnik. Приморье ўлкаси "Гражданский патруль" ташкилоти жамоатчилари Владивостокдаги кўчаларнинг бирини Сурияда ҳалок бўлган россиялик учувчи Роман Филиппов номи билан аташни сўрашмоқда, деб хабар берди РИА Новости.
Тегишли мурожаатнома куни кеча 5 феврал куни Владивосток раҳбари Виталий Веркеенко ва Дума раиси Андрей Брик номига юборилган.
Жамоатчилар Ўзбек кўчаси, Хива кўчаси ёхуд янги қурилаётган "Снеговая Падь" микрорайонидаги номсиз кўчани вариант тарзида кўриб чиқишни сўрамоқдалар, деб ёзган нашр.
Шаҳарнинг бир қисмига Ватан ҳимоячиси номи берилиши унинг хотирасига бўлган ҳурматни асрлар давомида сақлаб қолажак, деган фикрдамиз, дея таъкидлаган "Гражданский патруль" фаолларидан бири Андрей Колов.
Россия ҳарбий ҳаво кучларига тегишли бўлган самолёт Идлиб вилоятидаги тинчлик ўрнатиш ҳудуди устидан навбатчи парвоз амалга ошираётган вақтида зарбага учраган.
Ҳарбий Приморье ўлкасида хизмат қилган, у ерда унинг оиласи қолган. Приморье ўлкаси губернатор ўринбосари Андрей Тарасенко ҳалок бўлган учувчининг оила аъзолари ва яқинларига таъзия изҳор қилган, ва учувчининг минтақада хизмат қилганини ва у "ҳужум авиацияси шунқори" бўлганини тасдиқлаган.
