ТОШКЕНТ, 28 янв – Sputnik. Кеча, 27 январ куни Қобулнинг дипломатик ваколатхоналар жойлашган туманида кучли портлаш юз берди, деб хабар қилмоқда Tolonews телеканали.
Теракт худкуш-террорчи томонидан амалга оширилган. У ичида портловчи моддалар билан тўлдирилган тез ёрдам машинасини одам гавжум жойда портлатиб юборган.
Портлашда 95 киши қурбон бўлди, 160 га яқин киши жароҳатланди. Қурбонларнинг аксарияти оддий фуқаролар. Жароҳатланганлар орасида аёллар ва болалар ҳам бор. Жароҳатланганларнинг кўпчиллиги оғир аҳоволда.
Қобул тезкор ёрдам кўрсатиш шифохонасида ўринлар етишмагани туфайли жароҳатланганлар касалхона олдидаги майдонда жойлаштирилган.
Телеканал хабарига кўра, ушбу портлаш учун жавобгарликни “Толибон” террорчилар гуруҳи ўз зиммасига олган.
