ТОШКЕНТ, 29 дек — Sputnik. Ўзбекистон террорчилик уюшмалари нишони остида қолиши мумкин, деб баёнот қилди Беларус президенти Александр Лукашенко МДҲ давлатлари етакчиларининг норасмий учрашувида.
"Ўйлайманки, ушбу масала ОДКБда кун тартибидан жой олади", — деди у.
Лукашенко, шунингдек, Афғонистонда террорчиларнинг эркин ҳаракатланишларига йўл қўйиб бўлмаслигини қайд этди.
"Сиз яқинда ушбу йиғилишда иштирок этаётган, Марказий Осиё давлатлари раҳбарлари огоҳлантираётган хавф ҳақида гапирдингиз, Яқин Шарқдан сиқиб чиқарилаётган террорчилар Афғонистонга қочиб ўтади, дедингиз. Сиз яқинда ўша ерда кучлар жамланаётганини айтдингиз, уларнинг мақсади эса барчага аён. Шу боис, уруш юз беришига йўл қўймаслик керак, нега деганда, аҳвол Суриядагидан ҳам оғирроқ бўлиши мумкин", — деб таъкидлади у Россия президенти Владимир Путинга мурожаат қилар экан.