ТОШКЕНТ, 24 дек — Sputnik. Москвада сайловчилар ташаббус гуруҳи бизнесмен Алексей Навальнийни Россия президентлигига номзод этиб кўрсатишни қўллаб-қувватлади, деб хабар берди РИА Новости.
Илгарироқ Россия МСК раҳбари Элла Памфилова "Кировлес"даги ўғирлик иши бўйича шартли судланган Навальний 2018 йилги президентлик сайловларида иштирок эта олмаслигини, у 2028 йилдан кейин сайловларда номзодини қўйиши мумкинлигини айтганди.
Россия сайлов қонунчилигига кўра, оғир жиноят қилгани учун судланганлар судланганлиги олиб ташланганидан ёки судланганидан 10 йил ўтганидан кейингина давлат раҳбари бўлиши мумкин.
