ТОШКЕНТ, 22 дек — Sputnik. Ўзбекистон президенти Шавкат Мирзиёев бугун, 22 декабрь куни ўтказилган йиғилишда хокимларнинг ижро ҳокимияти ваколатлари ҳақида ўз фикрини айтиб ўтди, деб хабар қилди Sputnik мухбири.
Йиғилиш давомида ҳокимларнинг ижро ва вакиллик ҳокимияти раҳбари сифатида ваколатларини ажратиб қўйиш масаласи ҳақида тўхталиб ўтди.
"Кейинги пайтда халқ депутатлари кенгашларининг ролини, халқ ноиблари ваколатлари тубдан оширилди. Сиёсий партияларининг маҳаллий ҳокимият идораларининг шакллантириш борасида ваколатлари борасида босқичма-босқич кенгайтирилди. Депутатлик назорати эса мустаҳкамланди. Бироқ очиқ тан олиш керак, ҳокимларнинг ҳам маҳаллий кенгашларга, ҳам ижро ҳокимиятига раҳбарлик қилиши демократик принципларга мос келади деб бўлмайди. Ҳеч қаерда бундай нарса йўқ",- деди Шавкат Мирзиёев.
Шундан сўнг, президент ҳокимларнинг ҳудудларнинг ривожлантириш маҳаллий бюджетнинг ижро этиш, коммунал муаммоларни ҳал қилиш каби долзарб фаолиятини устидан халқ ўз вакиллари орқали тегишли назоратни амалга оширишга имконият яратиб бериш энг муҳим вазифа бўлиб қолиши зарурлигини алоҳида таъкидлаб ўтди.
