ТОШКЕНТ, 22 дек – Sputnik. Ўзбекистон президенти Шавкат Мирзиёев Олий Мажлис Сенати ва Қонунчилик палатаси аъзоларига Мурожаатномасида мамлакатда тадбиркорлик фаолиятининг фаол ривожланмаётганганига эътибор қаратди. Бу ҳақда Sputnik мухбири хабар бермоқда.
"Ўзбекистонда нима учун тадбиркорлик ривожланмаяпти? Тадбиркорнинг ривожланишига давлат идоралари йўл қўймаяпти. Жойларда амалдорлар фақат ўз шахсий манфаатларини ўйлаб иш кўрмоқда", деди Мирзиёев.
Президент давлат арбоби Уинстон Черчиллнинг "Баъзилар тадбиркор деганда соғин сигирни, фақат баъзилар оғир аравани тортаётган меҳнаткаш отни тушунади", деган сўзларини мсиол қилиб келтирди.
"Импорт қилинадиган маҳсулотларни олиб кириш ҳуқуқи айрим гуруҳлар қўлига тўпланиб, мўмай даромад манбаига айланганини оқлаб бўлмайди. Баъзи корхоналарга имтиёзлар бериш орқали монополияга йўл қўйдик", деди Ўзбекистон раҳбари.
Президент бозор иқтисодиёти шароитида кенг, тенг ва ҳалол рақобат муҳитини яратиш кераклигини таъкидлади ҳамда икки йил давомида тадбиркорларни текшириш ман этилишини таклиф қилди.
