ТОШКЕНТ, 18 дек – Sputnik. Россиянинг Sports.ru порталида фаолият юритувчи "Узбекская кухня" блоги Марат Бикмаевнинг энг яхши голлари видеолавҳасини эълон қилди.
Эслатиб ўтамиз, бир неча кун олдин ЎФФ Ўзбекистонда 2017 йилнинг йилнинг энг яхши футболчиси, мураббийи, футзалчиси ва аёл футболчиси номинациялари бўйича ғолибларни эълон қилган эди.
Унга кўра, Тошкентнинг «Локомотив» клуби ҳужумчиси Марат Бикмаев 2017 йилнинг энг яхши футболчиси бўлди.
«Ўзбек футболини ривожлантиришга ҳисса қўшган энг яхши хорижий мураббий» номинациясида «Пахтакор» бош мураббийи Шота Арвеладзе ғолиб деб топилди. «Нафас» мураббийи Рўзиқул Бердиев йилнинг энг яхши мураббийи бўлди.
«Олмалиқ» ўйинчиси Константин Свиридов йилнинг энг яхши футзалчиси, «Металлург» вакиласи Людмила Карачик эса «Йилнинг энг яхши аёл футболчиси» номинацияси ғолибаси бўлди.
