ТОШКЕНТ, 11 дек — Sputnik. Ўзбекистон фуқароларининг ижтимоий-сиёсий онги ва дунёқараши, фуқаролик позицияларини ватанпарварлик асосида камол топтириш мақсадида Ёшларни ҳарбий-ватанпарварлик руҳида тарбиялаш концепция лойиҳаси ишлаб чиқилди, деб хабар қилди Мудофаа вазирлиги матбуот хизмати.
Концепция лойиҳасида ёшларни ҳарбий-ватанпарварлик руҳида тарбиялашнинг асосий усуллари: ишонтириш; машқ қилдириш ва мустақил ишлаш; кузатиш; рағбатлантириш; ўрнак кўрсатиш, шахсий намуна ва бошқалар ҳисобланади.
Ёшларни ҳарбий-ватанпарварлик руҳида тарбиялаш ишлари асосан тўрт босқичда амалга оширилади. 1-босқич 3-7 ёшдагилар, 2-босқич 7-16 ёшдагилар, 3-босқич 16-18 ёшдагилар, 4-босқич 18-30 ёшдагилар киради.
Концепцияда кутилаётган натижалар ёшлар ўртасида ҳарбий-ватанпарварлик тарбиясининг самарадорлигини ошириш, уларда юксак маънавий-ахлоқий фазилатлар, фуқаролик позицияси, Ватанни севиш ва уни кўз қорачиғидек асрашга қаратилган билим ва кўникмаларни ошириш учун услубий асос бўлиб хизмат қилади.
Концепцияси лойиҳаси ҳусусидаги таклиф ва истаклар шу йилнинг 15 декабрь кунига қадар Мудофаа вазирлиги электрон манзилларига юбориш мумкин.
