ТОШКЕНТ, 7 дек — Sputnik. Ўзбекистон павилони Исломободда ўтказилган дунё мамлакатлари ҳалқаро миллий таомлари фестивалида биринчи ўринни эгаллади.
"Тадбир иштирокчилари Покистон пойтахти ҳокимияти ва таълими вазирлиги, шунингдек жамоат ва сиёсий доиралар вакиллари Ўзбекистоннинг кўп қиррали маданият ва тарих, сайёҳлик салоҳияти билан яқиндан танишиш имконига эга бўлишди", — деб маълум қилди "Жаҳон" АА.
Республиканинг павилонида меҳмонлар миллий таомлар ва ширинликларни татиб кўриш имкониятига эга бўлишди.
Август ойида ўзбек таомлари куни Бангкок ва Тбилисида бўлиб ўтганди. Байрам иштирокчилари сомса, палов ва чак-чак билан меҳмон қилинди.
