ТОШКЕНТ, 7 дек — Sputnik. Қамчиқ довонининг алоҳида мураккаб бўлакларида ташкил қилинган иситиш ва овқатланиш пунктлари йўлда тўхтаб қолган транспорт ҳайдовчилари ва йўловчилари учун мўлжалланган, деб хабар қилмоқда Фавқулодда вазиятлар вазирлиги матбуот хизмати.
"Ўзбекистон фавқулодда вазиятлар вазири Р. Жўраев А-373 сонли «Тошкент-Ош» йўлининг “Қамчиқ” довонидаги иситиш пунктлари ҳамда транспорт ҳаракати узулуксизлигини таъминловчи ташкилотлар фаолияти билан шахсан танишди", — дейилган хабарда.
ФВВ матбуот хизмати хабарига кўра “Қамчиқ” довонида транспорт ҳакаратининг узулуксизлигини таъминлашга қаратилган чора-тадбирлар доимий равишда вазирлик назорасти остида.
