ТОШКЕНТ, 22 ноя — Sputnik. БМТ болалар жамғармаси (ЮНИСЕФ) Ўзбекистондаги ваколатхонаси раҳбари Саша Грауманн республикадаги кам таъминланган оилаларни қўллаб-қувватлашга тайёр эканлигини маълум қилган. Бандлик ва меҳнат муносабатлари вазирлиги матбуот хизмати хабарига асосан.
Куни кеча Бандлик ва меҳнат муносабатлари вазири Актам Хаитов БМТ болалар жамғармаси (ЮНИСЕФ) Ўзбекистондаги ваколатхонаси раҳбари Саша Грауманн билан учрашув ўтказди.
Томонлар аҳолини ижтимоий ҳимоя қилиш, ногиронлар, шу жумладан болаларни қўллаб-қувватлаш бўйича ҳамкорлик қилишни мустаҳамлашга келишиб олишди.
Бундан ташқари, БМТ болалар жамғармаси томонидан республика бўйича кам таъминланган оилалар рўйхати тузилиб, меҳнат вазирлиги ходимларига ижтимоий ёрдам кўрсатиш бўйича ўқув машғулотлар ўтказиб берилади.
