Ўзбек халқи — болажон халқ деб бежизга айтишмайди. Ўзбекистонда азалдан оила ва бола қадри жуда баланд. Ушбу мақол иккинчи жаҳон уруши йилларида ҳам ўзининг амалий тасдиғини топган эди. Ўзбек халқи 300 мингдан ортиқ қаровсиз қолган болаларни ўзининг иссиқ бағрига олиб катта қилган эди.
Охирги йилларда Ўзбекистон ҳукумати томонидан болалар соғлиги, чақалоқлар ўлимини олдини олишга жуда катта эътибор берилмоқда. Хусусан республикада охирги 10 йил давомида чақалоқлар ва болалар ўлимлари сони ўртача 30% га камайтирилди.
2016 йил эса Ўзбекистонда "Соғлом она ва бола йили" деб эълон қилинди ва йил давомида ушбу соҳада кўплаб ижобий ишлар амалга оширилди.
