ТОШКЕНТ, 12 ноя — Sputnik. Тошкентнинг Олмазор тумани, Бешқўрғон мавзеида (Тансиқбоев-3) истиқомат қилувчи уч нафар вояга етмаган опа-сингиллар бирин кетин вафот этди, деб хабар қилмоқда UzNews нашри.
Гувоҳлар айтишига қараганда, фожеадан олдин улар қийма шашлик ейишган кейин кучли қорин оғриғи бошланган. Қариндошлари уларга оғриқни енгиллаштирувчи дори беришса-да, у ердам бермаган.
Опа-сингиллардан бири касалхонага кетишда, тез ёрдам машинаси ичида жон берган, икки нафари ҳам кейинроқ касалхонада вафот этган.
Айни дамда ушбу воқеа юзасидан Олмазор туман Прокуратураси томонидан жиноий иш очилган, тергов-тафтиш бўлими ходимлари уч ёш боланинг ўлими сабабларини аниқлашга ҳаракат қилишмоқда.
