ТОШКЕНТ, 10 ноя — Sputnik. Москвада меҳнат муҳожирларига патент тайёр бўлиши ҳақида виртуал оператор — робот орқали ахборот берилади. Бу ҳақда Кўп тармоқли миграция маркази матбуот хизмати хабар қилди.
Ҳозирда робот бир ойда 30 мингдан ортиқ қўнғироқларни қабул қилди.
"Робот қўнғироқ қилган шахснинг саволини автоматик тарзда аниқлаб, мустақил равишда жавоб беради ёки тегишли соҳа мутахассисига улайди", — дейилган хабарда.
Патентни тайёр бўлганлигини аниқлаш учун виртуал операторга топширилган аризанинг рақамини айтиш керак. Шундан кейин робот ҳужжат қайси босқичида эканлигини айтади.
