ТОШКЕНТ, 4 ноя — Sputnik. Ўзбекистон алоқа тарихи музейида муқаддас Макка шаҳрига бағишланган кумуш маркалар кўргазмаси очилди. Бу ҳақда Россия фан ва маданият марказининг Тошкентдаги ваколатхонаси матбуот хизмати хабар берди.
Кўргазмага 40та кумуш марка қўйилган. Маркалар 999 пробали кумушдан тайёрланган. Мазкур коллекцияга турли йилларда 24 ислом давлати томонидан "Муқаддас Макка" мавзусида чиқарилган маркалар асос бўлган. Шунингдек, Қуръон китобининг кумушдан тайёрланган бир саҳифаси ҳам намойиш этилади.
Кўргазма икки ой давомида ишлайди.
Кўргазма очилиш маросими доирасида Тошкент вилоятидаги мактабларга болалар адабиётлари тарқатилди.
