ТОШКЕНТ, 17 окт — Sputnik. Футбол бўйича Ўзбекистон терма жамоасини хориждан мутахассис топилгунига қадар "Насаф" устози Рўзиқул Бердиев вақтинча бошқаради. Бу ҳақда SPORTS.uz ахборот портали маълум қилди.
Эслатиб ўтамиз, ЖЧ-2018 саралаш босқичидаги муваффақиятсиз иштирок сабаб Ўзбекистон миллий терма жамоаси мураббийлар штаби истеъфога чиқарилган ва ЎФФ раҳбарияти терма жамоа бошқарувига хорижлик мураббий олиб келиниши ҳақида айтиб ўтганди.
Порталда ёхилишича, ноябр ойида бўлиб ўтиши кутилаётган Қатарга қарши ўртоқлик учрашуви Бердиев учун терма жамоадаги дебют ўйини бўлиши мумкин.
