ТОШКЕНТ, 15 окт — Sputnik. Соат 17:00 га қадар 40 % қирғизистонликлар овоз беришга улгуришди, деб хабар қилмоқда Қирғизистон Марказий сайлов қўмитаси.
Шундай қилиб, соат бешга қадар сайловда иштирок этган фуқаролар сони 1 млн 213 минг 803 нафарни ташкил қилди. Шу дамда сайловда энг фаол иштирок этган вилоят — Ўш вилояти бўлиб қолмоқда. У ерда сайловда иштирок этган фуқаролар сони 52,8 %ни ташкил қилди.
Талас вилоятида сайловда қатнашган фуқаролар сони 45,8 %ни ташкил қилди. Энг фаол вилоятлар орасида учинчи ўрин эса — Бишкекка тегишли бўлди. У ерда ҳам 45% сайловчи овоз беришди.
Нарин вилояти 41,95 %, Иссиқ-кўлда — 40,59 %, Баткенда — 37,3 % сайловичлар ўз фуқаролик бурчларини бажаришди.
Сайловга энг бефарқ бўлган вилоятлар Чуй ва Жалол-Обод вилоятлари бўлди. У ерда ўртача 36-37 % аҳоли сайловда иштирок этди.
Қирғизистонда президент сайловини кузатиб бораётган ШХТ бош котиби Рашид Алимов Республика бўйлаб барча участкаларда сайлов яхши ўтказилаётганини, қоидабузарликлар кузатилмаганини хабар қилди.
