Ернинг биринчи сунъий йўлдоши "Спутник-1" - 60 ёшда

ТОШКЕНТ, 4 окт — Sputnik. 1957 йилнинг 4 октябрида, инсоният коинотга илк қадамини қўйган эди — Ернинг биринчи сунъий йўлдоши "Спутник-1" коинот қаърига учирилган эди.

"Спутник-1"нинг махфий номи ПС-1 (простейший спутник), яъни "Энг  оддий спутник" маънисини билдиради. У у диаметри 58 см, оғирлиги 83,6 кг бўлган металл шар бўлиб. Унинг ичида батарейкалардан ишлайдиган тўртта радиотўлқин узатувчи мослама ва ташқарисида тўрт антеннаси бор эди.

"Спутник-1" — Байконур космодромидан, "Р-7" континентлараро баллистик ракета ёрдамида  учирилган.

Шу дамдан бошлаб бугунги кунга қадар бутун дунё олимлари ернинг сунъий йўлдошини русча сўз билан "Спутник" деб аташади.

Ернинг сунъий йўлдошини яратишда С. П. Королёв бошчилигида, М. В. Келдыш, М. К. Тихонравов, Н. С. Лидоренко, Г. Ю. Максимов, В. И. Лапко, Б. С. Чекунов, А. В. Бухтияров ва бошқа олимлар иш олиб борган.

"Спутника-1"ни учириш — бу инсоният учун коинот даврининг бошланиши рамзидир. Ернинг биринчи сунъий йўлдоши номи Плутон устидаги текисликка берилган. Ушбу ном Халқаро Астрономлар иттифоқи томонидан 2017 йилнинг 8 август куни тасдиқланган.

Россияда коинот билимларининг теоретик асосини яратган олим — Константин Циолковский ҳисобланади. Циолковский биринчи бўлиб реактив ҳаракат теорияси ва космик кемада модуллар жойлашиш схемасини кашф қилган. Бугун ҳам коинотга учаётган ракеталар Циолковский схемаси бўйича қурилади.