ТОШКЕНТ, 29 сен — Sputnik. Тошкент шаҳрида 27 сентябр куни содир бўлган автоҳалокат натижасида бир киши ҳаётдан кўз юмди. Бу ҳақда Тошкент шаҳар ИИББ матбуот хизмати хабар қилмоқда.
Хабарда айтилишича, 27 сентябр куни Юнусобод тумани, Амир Темур кўчасида "Каптива" русумли автомашинасини бошқариб кетаётган ҳайдовчи пиёдани уриб юборган. Натижада 26 ёшли фуқаро воқеа жойида вафот этган.
Мазкур ҳолат юзасидан Юнусобод тумани ИИБ ҳузуридаги Тергов бўлими томонидан Ўзбекистон Жинояб кодексининг 266-моддаси 2-қисми (транспорт воситасини бошқарувчи шахс томонидан транспорт воситалари ҳаракати ва улардан фойдаланиш хавфсизлиги қоидаларини бузиш, одам ўлишига сабаб бўлса) аломатлари билан жиноят иш қўзғатилган.
