ТОШКЕНТ, 29 сен — Sputnik. Пойтахтлик тадбиркор онлайн-аукционда деярли юз миллион сўмга авторақам сотиб олди, деб хабар берди nuz.uz.
Кеча бўлиб ўтган аукционда 01 777 WEA авторақами 97 млн 653 минг 300 сўмга сотилган.
Бундан ташқари, 01 С 777 АВ рақами деярли 82 млн сўмга, 01 Е 777 АВ рақами деярли 74 млн сўмга сотилган.
Эслатиб ўтамиз, ўтган ҳафтада Тошкент шаҳрида яшовчи фуқаро Z 770 ZA авторақамини 50 миллион 773 минг сўмга сотиб олганди.
Автомобил рақамларининг савдоси 5 сентябр куни янги махсус биржа савдо платформасида йўлга қўйилди. Онлайн-аукционда барча истак билдирганлар қатнашиши мумкин.
Бугунги кунда Тошкент ИИВ ЙҲХББ томонидан аукционга 70 га яқин ҳар хил турдаги рақамлар қўйилган.
Шу йил якунига қадар онлайн-аукцион савдоларда 18 минг дона автомобил рақамини сотиш режалаштирилган.
Ташкилотчилар "чиройли" автомобил рақамларини онлайн-аукционларда сотуви натижасида 380 млрд сўм фойда кўриш режалаштирганлар.
