ТОШКЕНТ, 28 сен — Sputnik. Қозоғистоннинг Бойқўнғир шаҳридаги "Бойқўнғир" космодроми ракетомодел майдонида бўлиб ўтган ўсмирлар ўртасида ракетомодел спорти бўйича XVIII халқаро мусобақаларда ўзбекистонлик спортчилар мутлақ ғолиб бўлишди.
Мусобақаларда Қозоғистон, Беларус, Қирғизистон, Ўзбекистон, Россия ва Болгариядан спортчилар иштирок этди.
Ўзбекистонлик ёшлар умумжамоа ҳисобида биринчи ўринни эгаллашди
© Facebook
Олтита йўналиш бўйича ўтказилган мусобақаларда Ўзбекистондан "Баркамол авлод", "TEX PROGRES SPORT" ва Ўзбекистон миллий терма жамоалари қатнашди.
Барча йўналишларда биринчи ва иккинчи ўринларга сазовор бўлган ўзбекистонликлар умумжамоа ҳисобида етакчиликни қўлга киритишди.
