ТОШКЕНТ, 18 сен — Sputnik. Роғун ГЭСи Ғарб томонидан бериладиган пуллар эвазига қуриб битказиладиган бўлди.
Тожикистон давлат облигацияларининг 500 миллион доллар қийматдаги пакети АҚШ, Буюк Британия ва Европа Иттифоқидаги сармоядорлар томонидан харид қилинди, деб хабар берди Тожикистон Миллий банки.
Пуллар Роғун ГЭСи қурилишини битказиш учун сарфланиши айтилмоқда.
Душанбе "аср қурилиши" ни тугаллаш учун зарур бўлган тўрт миллиард долларнинг бир миллиардини қарзга олишни режалаштирган.
Мамлакат Молия вазирлиги маълумотларига кўра, "Роғун ГЭСи" ОАЖ акциялари сотувидан аҳолидан 80 миллион доллардан ортиқ маблағ йиғиб олинган.
