Нурсултан Назарбаевнинг давлат ташрифи давомида ўндан ортиқ муҳим ҳужжатлар имзоланди. Улар орасида, савдо-иқтисодий, ҳарбий ва ўта муҳим бўлган сув манбааларидан фойдаланиш ҳақидаги шартномалар бор.
"Ўртамизда ҳал этилмаган масала қолмади", — деди музокаралар сўнггида Шавкат Мирзиёев журналистларга.
Республика раҳбарлари охирги 9 ой давомида Ўзбекистон ва Қозоғистон орасида товар айрбошлаш даражаси кескин ўсганини ҳам қайд этишди.
Шунингдек, Шавкат Мирзиёев ўз ҳамкасабасини икки давлат орасидаги муносабатларни мустаҳкамлашга қўшган ҳиссаси учун нуфузли "Эл-юрт Хурмати" ордени билан мукофотлади.
