ТОШКЕНТ, 17 сен — Sputnik. Ўзбекистон Республикаси Президенти Шавкат Мирзиёев Президент Гурбангули Бердимуҳамедовнинг таклифига биноан 17 сентябрь куни Туркманистонга жўнаб кетди, деб хабар қилмоқда президент матбуот хизмати.
Ашхободда Шавкат Мирзиёев бошланиши Ёпиқ иншоотларда ва жанг санъатлари бўйича V Осиё ўйинларининг очилиш маросимида иштирок этади.
Хабарда айтилишига кўра, ушбу ташриф доирасида қатор давлатлар раҳбарлари билан икки томонлама учрашувлар ўтказиш ҳам режалаштирилган.
Бундан бир неча соат олдин, Ўзбекистонда ишчи ташриф билан бўлган Қозоғистон президенти Нурсултан Назарбаев ҳам Туркманистонга ушбу тадбирда иштирок этиш учун жўнаб кетган эди.
