ТОШКЕНТ, 7 сен — Sputnik. Ўзбекистондаги банкларда 6 сентябрдан бошлаб валюта айирбошлаш пунктлари 9.00дан 22.00га қадар тушлик танаффусисиз фаолият юритади.
Меҳмонхоналар, аэропортлар ва темирйўл вокзалларидаги валюта айрибошлаш шохобчалари эса узлуксиз равишда, танаффуссиз ишлайди.
Эслатиб ўтамиз, Ўзбекистон президенти Шавкат Мирзиёевнинг ўтган дам олиш кунларида валюта сиёсатини либераллаштириш бўйича дастлабки чора-тадбирлар тўғрисидаги Фармонни имзолаган эди.
Ҳужжатга мувофиқ эндиликда жисмоний шахсларга чет эл валютасини олиш ва сотиш тартиблари соддалаштирилиши назарда тутилганди.
