ТОШКЕНТ, 30 авг — Sputnik. Самарқандда 4,5 гектар майдонига эга бўлган аквапарк очилди, деб хабар қилди Ўзбекистон Миллий банки матбуот хизмати.
Янги, "Вавилон" номли кўнгилочар маскан ҳудудида 35 та сув аттракционлари ва аёллар ва болалар учун махсус ҳудудлар мавжуд.
Болалар учун мўлжалланган аттракционлар ҳудуди бир минг квадрат метрни ташкил қилади.
Аквапарк "Вавилон" в Самарканде
© Нацбанк Узбекистана
Ҳозир аквапарк қишки мавсумга тайёргарлик кўрмоқда. Аквапаркда қўшимча бассейнлар ва янги кўнгил очар иншоотлар барпо этилмоқда.
Қурувчиларнинг режаларига кўра, паркда яна 6 та экологик кичик ҳаммомлар ва мини футбол учун майдонча қуриш кўзда тутилган.
