ТОШКЕНТ, 30 авг — Sputnik. Сўнги йилларда Тошкент ва Душанбе ўртасидаги муносабатларида юқорилаш ва пастлаш ҳолатларини кузатиш мумкин. Давлатлар ўртасида сув манбаларидан фойдаланиш ва чегара масалалари бўйича кўплаб музокаралар олиб борилмоқда. Бу ҳақда Sputnik Тожикистон ИноСМИга таянган ҳолда хабар қилди.
"Сув масаласи Ўзбекистон қишлоқ хўжалиги билан шуғулланаётган аҳолиси учун ўта долзарбдир. Сув ҳавзаларнинг аксарияти Тожикистон ҳудудидан бошланади", — деб таъкидлаган нашр.
Электр энергия ишлаб чиқарувчи йирик гидроэлектр станциялар барпо этилиши Тожикистон иқтисодиётининг тикланишига ёрдам берар эди.
Лекин бу ёндашувга қўшни давлатлар, хусусан Ўзбекистон томонидан эътирозлар билдирилган, шунингдек минтақада яқинлашув лойиҳаларни барбод қилмоқда.
Бунга мисол сифатида, яқинда Тожикистон ер ва геодезия давлат қўмитаси раҳбари тез вақтларда икки давлат ўртасидаги 93 км масофадаги черага чизиғи бўйича музокаралар ўтказилишини маълум қилган.
"Чегара баҳслари ҳал этилса, нафақат Ўзбекистон ва Тожикистон ўртасида иқтисодий муаммолар ўз ечимини топар эди, балки икки халқ, икки маданият ўртасида самарали муносабатлар ўрнатилади", — деб ёзилган мақолада.
Чегара масаласи ҳал этилиши давлатлар ўртасида муносабатларни яхшиланишига олиб келиб, сув бойликларидан фойдаланиш билан боғлиқ муаммоларни ҳал қилиш учун замин яратади.
