ТОШКЕНТ, 25 авг — Sputnik. Ўзбекистонда Ёшлар куни ва қишлоқ хўжалиги ходимлари кунини белгилаш тўғрисида қонун қабул қилинди.
Қонунчилик палатаси томонидан 2017 йил 14 августда қабул қилинган, Сенат томонидан 2017 йил 24 августда маъқулланган ҳужжатга кўра, энди 30 июнь Ўзбекистон Республикаси ёшлари куни сифатида нишонланади.
Қонунчилик палатаси томонидан 2017 йил 1 августда қабул қилинган, сенат томонидан 2017 йил 24 августда маъқулланган ҳужжатга кўра эса декабрь ойининг иккинчи якшанбаси Ўзбекистон Республикаси қишлоқ хўжалиги ходимлари куни этиб белгиланган.
Иккала Қонун ҳам расмий эълон қилинган кундан эътиборан кучга киради.
