ТОШКЕНТ, 25 авг — Sputnik. Ўзбекистон президенти Шавкат Мирзиёев Умиджон Салимовни "Ўзавтосаноат" АЖнинг янги раиси этиб тайинлади.
"Умиджон Салимов кеча "Ўзавтосаноат" бошқаруви раиси сифатида таништирилди", — деб хабар берди "Ўзавтосаноат" вакили РИА Новостига.
Салимов илгари "Ўзавтосаноат" бошқаруви раисининг техник сиёсат ва локализация бўйича ўринбосари сифатида фаолият олиб борган.
"Ўзавтосаноат"ни 2007 йилдан буён бошқариб келган Улуғбек Розуқулов эса "Ўзбекистон ҳаво йўллари" миллий авиакомпанияси бош директори этиб тайинланган.
